రేషన్ కార్డులు లేక పధకాలు కోల్పోతున్న ప్రజలు! దీనికి పరిష్కారం ఎలా?
Telangana Ration Card Status | Rajiv Yuva Vikasam Apply Online | ration card download in telangana
తెలంగాణ: పెండింగ్ రేషన్ కార్డులు – రాజీవ్ యువ వికాస యోజనకు అర్హత కోల్పోతున్న యువత
సంగారెడ్డి: తెలంగాణ రాష్ట్ర ప్రభుత్వం ప్రారంభించిన ‘రాజీవ్ యువ వికాస’ పథకం యువతకు స్వయం ఉపాధి అవకాశాలను కల్పించేందుకు ఉద్దేశించబడింది. ఈ పథకంలో భాగంగా, రూ.4 లక్షల వరకు రుణాలు అందించడానికి ప్రభుత్వం సబ్సిడీగా 60% నుండి గరిష్టంగా 100% వరకూ మంజూరు చేస్తోంది. అయితే, ఈ పథకాన్ని పొందడానికి ప్రభుత్వము రేషన్ కార్డు తప్పనిసరి అర్హతగా పెట్టడం వల్ల చాలా మంది యువత దరఖాస్తు చేసుకునే అవకాశం కోల్పోతున్నారు.
ప్రభుత్వం నిర్వహించిన ప్రజా పాలన కార్యక్రమం ద్వారా కొత్త రేషన్ కార్డులకు 10 లక్షలకు పైగా దరఖాస్తులు వచ్చాయి. అదేవిధంగా, ఇప్పటికే ఉన్న కార్డుల్లో పేర్లు చేర్పించేందుకు 18 లక్షలకు పైగా దరఖాస్తులు స్వీకరించబడ్డాయి. సంగారెడ్డి జిల్లాలోనే 85,000 కొత్త రేషన్ కార్డుల కోసం దరఖాస్తులు పెండింగ్లో ఉన్నాయి. ప్రస్తుతం ఈ జిల్లాలో 3.52 లక్షల తెల్ల రేషన్ కార్డులు, 26,000 అంత్యోదయ అన్న యోజన కార్డులు ఉన్నాయి. అయితే, మార్చి 17 నుండి ప్రారంభమై, ఏప్రిల్ 5 వరకు కొనసాగనున్న దరఖాస్తు ప్రక్రియ ముగిసేలోగా కొత్త రేషన్ కార్డులు పంపిణీ అయ్యే సూచనలు లేవు.
Follow us for Daily details:
యువత ఆందోళన
SC, ST, BC వర్గాలకు చెందిన పేద యువత రేషన్ కార్డుల జారీని ప్రాధాన్యతగా తీసుకొని, అనంతరం రాజీవ్ యువ వికాస పథకం కోసం దరఖాస్తులను స్వీకరించాలని ప్రభుత్వాన్ని కోరుతున్నారు. ప్రభుత్వం ఈ పథకానికి రూ.6,000 కోట్లు కేటాయించగా, 119 అసెంబ్లీ నియోజకవర్గాల్లో కనీసం 4,000 మంది యువతకు రుణ సౌకర్యం కల్పించనుంది.
సమాధానం చెప్పాల్సిన అవసరం
ప్రభుత్వం పేదవర్గాల యువతకు ఆర్థిక సహాయం అందించాలనే ఉద్దేశంతో పథకం తీసుకురాగా, రేషన్ కార్డు తప్పనిసరి అర్హతగా పెట్టడం వల్ల లక్షలాది మంది దరఖాస్తుదారులు మిగిలిపోతున్నారు. ఈ సమస్యను పరిష్కరించేందుకు, రేషన్ కార్డుల పంపిణీని వేగవంతం చేయడం లేదా పథకానికి దరఖాస్తు గడువును పొడిగించడం వంటి నిర్ణయాలు తీసుకోవాల్సిన అవసరం ఉంది. ప్రభుత్వం యువత అభివృద్ధి కోసం ఈ అంశంపై త్వరగా స్పందించాలని కోరుతున్నారు.
Follow us for Daily details:
TanviTechs is a technology-focused digital platform dedicated to delivering the latest updates on smartphones, gadgets, apps, technology trends, product reviews, and tech tips. With a commitment to accuracy and simplicity, TanviTechs helps readers make informed decisions in the fast-evolving world of technology.