ఇక ఫేస్బుక్, ఇన్స్టాగ్రామ్, వాట్సాప్ కూడా పెయిడ్..? Meta సంచలన నిర్ణయం.. నెలకు ఎంత చెల్లించాలి?
ప్రపంచంలో అత్యధిక మంది ఉపయోగించే సోషల్ మీడియా ప్లాట్ఫారమ్లలో Facebook, Instagram, WhatsApp ముందుంటాయి. ఇప్పటి వరకు పూర్తిగా ఉచితంగా సేవలు అందిస్తున్న Meta ఇప్పుడు భారీ మార్పుకు శ్రీకారం చుట్టింది. కంపెనీ మొదటిసారిగా చెల్లింపు ఆధారిత ప్రీమియం సబ్స్క్రిప్షన్ ప్లాన్లను ప్రకటించింది.
Meta Head of Product నయోమి గ్లైట్ ఈ విషయాన్ని అధికారికంగా ప్రకటించారు. Facebook Plus, Instagram Plus, WhatsApp Plus పేర్లతో కొత్త ప్రీమియం ప్లాన్లను తీసుకువస్తున్నట్లు వెల్లడించారు. భవిష్యత్తులో మరిన్ని సబ్స్క్రిప్షన్ ఆధారిత సేవలను కూడా ప్రవేశపెట్టనున్నట్లు తెలిపారు.
అయితే సాధారణ వినియోగదారులు భయపడాల్సిన అవసరం లేదు. ప్రస్తుతం ఉన్న Facebook, Instagram, WhatsApp ఉచిత వెర్షన్లు యథావిధిగా కొనసాగుతాయి. కొత్తగా అదనపు ఫీచర్లు కావాలనుకునే వారి కోసం మాత్రమే ఈ Plus ప్లాన్లు అందుబాటులో ఉంటాయి.
వివరాల ప్రకారం Instagram Plus, Facebook Plus సబ్స్క్రిప్షన్ ధర నెలకు 3.99 డాలర్లు. భారత కరెన్సీలో ఇది సుమారు రూ.340 వరకు ఉండొచ్చు. ఇక WhatsApp Plus ధర నెలకు 2.99 డాలర్లు అంటే దాదాపు రూ.255 వరకు ఉండే అవకాశం ఉంది.
Instagram Plus, Facebook Plus వినియోగదారులకు అడ్వాన్స్డ్ అనలిటిక్స్, Story Rewatch Insights, Profile Customisation, Audience Reach Tools వంటి ప్రత్యేక ఫీచర్లు అందుబాటులోకి రానున్నాయి. ముఖ్యంగా కంటెంట్ క్రియేటర్లు, ఇన్ఫ్లూయెన్సర్లకు ఇవి ఉపయోగపడే అవకాశం ఉంది.
WhatsApp Plus విషయానికి వస్తే వ్యక్తిగతీకరణపై Meta ఎక్కువ దృష్టి పెట్టింది. Premium Stickers, Custom Themes, Personalized Ringtones వంటి ఫీచర్లు అందుబాటులోకి వచ్చే అవకాశం ఉంది. దీంతో WhatsApp అనుభవాన్ని మరింత ప్రత్యేకంగా మార్చుకోవచ్చు.
Meta ప్రస్తుతం AI రంగంలో భారీగా పెట్టుబడులు పెడుతోంది. కంపెనీ ఈ ఏడాది AI డేటా సెంటర్లు, టెక్నాలజీ మౌలిక సదుపాయాల కోసం 125 బిలియన్ డాలర్ల నుంచి 145 బిలియన్ డాలర్ల వరకు ఖర్చు చేయనున్నట్లు అంచనా. ఈ నేపథ్యంలో ప్రకటనలపై మాత్రమే ఆధారపడకుండా కొత్త ఆదాయ మార్గాలను వెతుకుతోంది.
ఈ సబ్స్క్రిప్షన్ ప్రకటన తర్వాత Meta షేర్లు కూడా పెరిగినట్లు అంతర్జాతీయ మీడియా నివేదికలు చెబుతున్నాయి. పెట్టుబడిదారులు ఈ నిర్ణయాన్ని సానుకూలంగా స్వాగతించినట్లు తెలుస్తోంది.
అలాగే భవిష్యత్తులో Facebook Plus, Instagram Plus, WhatsApp Plus వంటి సేవలన్నింటినీ “Meta One” అనే ఒకే ప్రీమియం బ్రాండ్ కింద తీసుకురావాలని కంపెనీ యోచిస్తోంది. దీంతో Meta వినియోగదారులకు మరిన్ని ప్రత్యేక సేవలు అందుబాటులోకి వచ్చే అవకాశం ఉంది.
TanviTechs is a technology-focused digital platform dedicated to delivering the latest updates on smartphones, gadgets, apps, technology trends, product reviews, and tech tips. With a commitment to accuracy and simplicity, TanviTechs helps readers make informed decisions in the fast-evolving world of technology.