ఆరు గ్యారంటీల అమలును పట్టించుకోని ప్రభుత్వం ఆగమేఘాల మీద సీఎం ఫోటో ప్రభుత్వ కార్యాలయాల్లో పెట్టాలన్న ఆదేశాలపై ఒక ప్రకటనలో వెంటనే ఆరు గ్యారంటీలు అమలు చేయాలని డిమాండ్ చేసిన మాజీ మంత్రి సింగిరెడ్డి నిరంజన్ రెడ్డి.
పథకాలకు పాతర, ముఖ్యమంత్రి ఫోటోలతో జాతరా?
ప్రస్తుతం తెలంగాణ రాష్ట్రంలో పథకాలు సక్రమంగా అమలవక పోవడం పట్ల ఆందోళనలు వెల్లువెత్తుతున్నాయి. ప్రజలకు ఇచ్చిన హామీలు అమలు చేయకుండా, కేవలం ముఖ్యమంత్రి ఫోటోలు ప్రదర్శించడమే రాజకీయ ఉత్సవంగా మారిందని మాజీ మంత్రి సింగిరెడ్డి నిరంజన్ రెడ్డి విమర్శించారు.
ఇదేనా ముఖ్యమంత్రి దసరా కానుక?
ప్రభుత్వ ఉద్యోగులు ఎదురుచూస్తున్న డీఏ (మహగై భత్యం) ఇంకా విడుదల కానప్పటికీ, పీఆర్సీ (పే రివిజన్ కమిషన్) గురించిన చర్చలు ఎక్కడా లేవని అధికారుల నుండి అసంతృప్తి వ్యక్తమవుతోంది. రైతులకు ఇచ్చిన రూ. 7500 రైతు భరోసా హామీ మాటల్లోనే మిగిలిపోయిందని, రుణమాఫీ కూడా తగిన విధంగా అమలు కాకపోవడంతో అన్నదాతలు బ్యాంకులు, కార్యాలయాల చుట్టూ తిరగాల్సి వస్తోందని మాజీ మంత్రి సింగిరెడ్డి నిరంజన్ రెడ్డి విమర్శించారు.
ఆసరా పెన్షన్ పెంపుపై స్పష్టత లేదు
మహిళలకు ఆసరా పెన్షన్ రూ. 4000కు పెంచుతామని హామీ ఇచ్చినప్పటికీ, ఎప్పుడు పెంపు చేస్తారో చెప్పడం లేదని ప్రజలు ప్రశ్నిస్తున్నారు. మహిళలకు గృహజ్యోతి కింద రూ. 2500 సాయం చేయాలని ఇచ్చిన హామీ కూడా అమలవడం లేదని విమర్శలు వచ్చాయి. అలాగే, కళ్యాణ లక్ష్మి పథకం కింద ఒక తులం బంగారం ఇవ్వాలని చెప్పినా, అదీ అమలు కాకపోవడంతో కుటుంబాలు నిరాశ చెందుతున్నాయి మాజీ మంత్రి సింగిరెడ్డి నిరంజన్ రెడ్డి విమర్శించారు.
మహిళల పథకాలకు కత్తెర
ఆడబిడ్డలకు అందించాల్సిన అమ్మవడి సాయం, కేసీఆర్ కిట్లు మాయమవ్వడం, గర్భిణులకు ఇచ్చే న్యూట్రిషన్ కిట్ కూడా కట్ చేయడం వల్ల మహిళలు పెద్దసంఖ్యలో ప్రభావితమవుతున్నారు.
పేదల బతుకుల్లో నిప్పులు పోస్తున్న హైడ్రా కూల్చివేతలు
హైడ్రా పేరుతో పేదల ఇళ్లను కూల్చి, వారి జీవన విధానాన్ని నాశనం చేయడం ద్వారా పేదలు తీవ్రంగా ఇబ్బంది పడుతున్నారు. ప్రభుత్వం పేదల జీవితాలను ప్రశాంతంగా ఉండనీయకుండా నష్టపరుస్తోందని మాజీ మంత్రి సింగిరెడ్డి నిరంజన్ రెడ్డి విమర్శించారు
అధోగతి పాలవుతున్న రాష్ట్రం
రాష్ట్రం నష్టాల్లో కూరుకుపోయిందని, వ్యవసాయ రంగం శ్రుంగారించడానికి చర్యలు తీసుకోకపోవడంతో రైతులు ఎదుర్కొంటున్న కష్టాలు మరింత పెరిగాయని మాజీ మంత్రి సింగిరెడ్డి నిరంజన్ రెడ్డి విమర్శించారు.
సీఎం ఫోటోలు, కానీ హామీలు అమలు కాదా?
ప్రభుత్వం వచ్చిన 10 నెలలు కావొస్తున్నా, ఆరు గ్యారంటీల అమలు పట్ల ఎలాంటి చర్యలు లేవని, కానీ ప్రతి కార్యాలయంలో ముఖ్యమంత్రి రేవంత్ రెడ్డి ఫోటోలను అక్టోబర్ 7 లోపు పెట్టాలని ఆదేశాలు ఇవ్వడం అన్యాయమని అన్నారు. ప్రభుత్వ కార్యాలయాల్లో సీఎం ఫోటో పెట్టడమే కాకుండా, ఆరు గ్యారంటీలను వెంటనే అమలు చేయాలని డిమాండ్ చేశారు.
TanviTechs is a technology-focused digital platform dedicated to delivering the latest updates on smartphones, gadgets, apps, technology trends, product reviews, and tech tips. With a commitment to accuracy and simplicity, TanviTechs helps readers make informed decisions in the fast-evolving world of technology.